الارشيف / ثقافة وفن / بوابة الشروق

ريهام حجاج بعد الزواج من طليق ياسمين عبد العزيز: مفيش راجل بيتسرق

علقت الفنانة ريهام حجاج، على صورة قديمة لها تم تداولها على مواقع التواصل الإجتماعي أثناء كتب كتابها، قائلة: "الناس التافهة اللي اجتهدت عشان تطلع صورة قديمة لكتب كتابي من مجلة وتنشرها علي إنها شئ ممكن يضايقني احب اقولهم.. إطلاقا".

ونشرت "حجاج"، عبر حسابها بموقع "إنستجرام"، صورة قديمة أثناء كتب كتابها، قائلة: "كل محاولات التشويه اللي عمالة تحصل لواحدة اتجوزت علي سنة الله ورسوله من راجل مطلق أصلا، إن دلت علي شئ فتدل علي مرض النفوس، ونصيحة للستات الفاضية. مافيش راجل بيتسرق".

وأوضحت: "الناس بتتجوز وتطلق عادي وكل شئ قسمة ونصيب وربنا اللي بيبقي كاتب ومقدر، بلاش تفاهة ولو كل واحد طلع صورته من خمستاشر سنة حايلاقي شكله اختلف عادي، خاصة صور الافراح اللي فيها ٣ كيلو ماكياچ، دا رسمة الحواجب بتفرق، المهم الجوهر وانا مفيش حاجة في حياتي ممكن اتكسف منها، واللي حاصل دا تفاهة وحقد.. عشان دا جواز".

واختتمت الفنانة ريهام حجاج، قائلة: "كل الناس الطبيعية اللي باركتلي وفرحتلي وماعرفتش ارد عليهم من كترهم. بشكرهم".

يذكر أن الفنانة ريهام حجاج، أكدت مساء السبت الماضي زواجها من رجل الأعمال محمد حلاوة، بعد مرور عام على طلاقه الثالث من الفنانة ياسمين عبد العزيز، وهو الأمر الذي يمنع عودتهما مرة أخرى.

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى